Chipa apo

Chipa apo purahéi

Tokyto kyto, tokyto kyta, 
amoite peve angu’a opararã, 
oikóma vy’a, ñembiso jovái,
avatisoka oiko jeguaka.

Pakova rogue, chipa rupaĝua, 
quebracho rakã, guajakã pire,
kapi’i rapo, samu’ũ rye, 
chipa guyra’i, chipa jakare.

Eru tupi’a, avati ku’i, 
ñandy ha kesu, kamby ha juky,
peju lomitã, peju pehecha, 
tatakua haku, oñemboguahu, 
jepe’a oñe’ẽ, tata ojeroky, 
tatatĩ oveve, tanimbu ojere.

Tokyto kyto, tokyto kyta, 
pua’éke peju, peju pejupa, 
peñemoporã, pepuka puku, 
pevy’a heta, oikóma chipa.